Takengon-1fakta.com
Ike ijangko ilen sawah
Gere daleh beleno kati mutewah
Kerna narupe kase i tetah galah
Siara metuh uwah jarak ari perdu
Ike besisu ilen musampe
Gere daleh isepak wan jema dele
Kerna simenpe kase simumenge
Siara kemiring cecunge munaos karu
Ike itimang ilen beret
Gere daleh itetah cara besuket
Kerna arape kase simunilet
Siara mupelet sinaru pumu
Ike temas ilen semile
Gere daleh sesuk kati telas rupe
Kerna gatipe kase pusesino
Siara gerle siserapni pintu
Ike muwih ilen tetajuren
Gere daleh telege kin catoken
Kerna relempe kase penguruken
Siara puren kase mutabu
Ike mutamas ilen empus
Gere daleh senuen ni jema galip iurus
Kerna bierpe keterangen muratus
Siara duyus kase kin pentalu
Ike mupatal ilen ume
Gere daleh isoah waih mujengkele
Kerna beredenpe eneh sedie
Siara bele gaeh urum seteru
Ike genap ilen bilangen
Gere daleh itamah penyipeten
Kerna narupe kase ukuren
Siara itungen gere mera demu
Ike terang ilen lao
Gere daleh itetah rara munite
Kerna jarakpe kase ari bere
Siara rembege teridah layu
Takengen, 17 Februari 2024
